Páxinas

luns, 19 de outubro de 2020

CANTA VIDA HAI NUNHA FRAGA!

 Libro: Unha misión para Clara

 Autora: Marica Campos

Situámonos no capítulo 11.

 Chegan malas novas de Pedrasirtas

Enlace para escoitar o capítulo

Canta vida hai nunha fraga!  Biodiversidade.

Unha misión para vós!

Desta volta ides facer catro listas:

  • especies arbóreas
  • anfibios
  • paxaros
  • insectos

Procuraredes imaxes para ilustrar cada nome.

De cada unha das listas, escolleredes un organismo vivo. A partir do nome e da imaxe, teredes que facer a ficha descrición.

Recomendación: escollede  aquel ser vivo que menos coñezades...Para aprender máis.

Podedes procurar información extra para facer máis completa a vosa descrición.

mércores, 16 de setembro de 2020

CUARTO...FACEMOS PASTA!

 Que se cociña en Cuarto?

Un libro de receitas! FACEMOS PASTA! 

Que hai que entregar o luns 21 de setembro?

A súa receita ben escrita que se faga con pasta.

Que e como hai que facer? O proceso.

1. Documentarse sobre  tipos de pasta. Facer unha lista cos diferentes tipos. (Supermercado)

2. Elixir un tipo de pasta.

3. Pensar e decidir con que imos acompañar a pasta elixida. 

4. Facer a lista de ingredientes

5. Preparar ingredientes  e utensilios necesarios.

6. Con axuda da familia ir elaborando a receita fixándose en cada paso.

7. Sentarse e escribir a receita con moita calma. Respectar a estrutura da receita. Explicar moi ben cada paso.

Como hai que escribir a receita? Cal é a estrutura? 


 TÍTULO: Claro, centrado e con letras maiúsculas.

INGREDIENTES: Lista, cada un nunha liña. Incluír as cantidades.

ELABORACIÓN: Proceso. Explicar moi ben cada paso.


Lembra consultar o dicionario e revisar o escrito mínimo 3 veces.

( Ortografía. Enténdese ben?)

É importante o contido. Tamén é importante a presentación: que sexa moi fácil de ler e de entender!

xoves, 18 de xuño de 2020

PODCAST VIDA E OBRA DE CARVALHO CALERO

O alumnado de sexto de Primaria traballou sobre a vida e obra de Ricardo Carvalho Calero.

1. Documentáronse nos recursos proporcionados pola Biblioteca.
2. Traballaron como se escribía unha biografía.
3. Leron algúns textos do autor homenaxeado estas Letras Galegas 2020.
4. Experimentaron co programa  Audacity dos seus equipos Abalar Edixgal.Gravaron audios desde as súas casas.
5. Xuntaron os audios nun Podcast onde dan a coñecer episodios da vida de Carvalho Calero e algúns textos.

 Contido do Podcast:
Biografía de Ricardo Carvalho Calero. Etapas.
Textos: Á beira do mar, Agora e As pitas baixo a Choiva.
Acompañamento musical: Poema A Fala, de Manuel María musicado por Uxía Senlle e Sergio Tannus.
 

martes, 9 de xuño de 2020

RADIO-LETRAS! PROGRAMA INFORMATIVO

PROGRAMA INFORMATIVO DE RADIO
ESPECIAL LETRAS GALEGAS 2020

O alumnado de 5º E. Primaria fixeron o I Programa Informativo sobre as Letras Galegas.
Traballaron moitísimo!
Desde as súas casas e por Videoxuntanzas.
Como fixeron?

1. Documentáronse!
Tiñan que contestar a unhas preguntas sobre o Día das Letras, a RAG e o homenaxeado nas Letras 2020: Ricardo Carvalho Calero.

Consultaron os recursos da biblioteca e foron dando resposta individualmente, esforzándose en elaborar boas frases.

2. Redactaron o texto guión.
Puxeron en común as informacións e reelaboraron os parágrafos.
Repartiron os parágrafos do texto e decidiron quen gravaría cada audio.
3. Prepararon a escaleta de contidos.
Estableceron unha primeira escaleta de contido do Programa informativo.

4. Procuraron a música.
Decidiron cal música sería a máis significativa para acompañar un Especial Letras Galegas.
A Fala, o poema de Manuel María musicado por Uxía Senlle e Sergio Tannus.
Moitas e moi boas foron as razóns para elexir esta música. 

5. Gravaron os audios
Na casa practicaron a lectura en modo locución informativa.
Gravaron os audios co programa Audacity dos seus equipos Abalar Edixgal.
 6. Edición dos audios. Tamén co Audacity.
Ordenáronse os audios nunha segunda escaleta que xa incluía os cortes de música.
Montouse a secuencia dos audios segundo a escaleta final.
  Listo o I Programa informativo sobre a orixe e celebración das Letras Galegas e a RAG.

Made in Galiza e feito dende as casas!

Escoitamos! 




domingo, 7 de xuño de 2020

COMO CHO CONTO!

Como cho conto!
O alumnado de Terceiro de E. Primaria traballou moitísimo para explicarnos algunhas cousiñas sobre a normativa en Galego.

A súa tarefa das Letras 2020 era a de convertirse en reporteiras e reporteiros do Como cho conto!
Lembramos o plantexamento da actividade:

Enlace á entrada COMO CHO CONTO!
 do blogue O Cataventos.
Enlace á entrada ACTIVIDADE DAS LETRAS


Dun listado de palabras e erros máis habituais que cometemos cando falamos e cando escribimos en galego, había que:

1. Facer unha escolla. Comunicala para non coincidir na mesma palabra ou erro a explicar.
2. Documentarse. Como se escribe en galego
3. Escribir o texto e gravar o audio.

A estrutura do Programa sería emulando a
Non digas...Dígocho eu! da RTVG 

Pois...Repasaron os programas da RTVG, tomaron boa nota e prepararon o seu texto.
Ensaiaron ben e logo gravaron os audios coa ferramenta Vocaroo

Cos audios listos, estableceuse unha orde e diseñouse a imaxe que ía acompañar cada audio.

As cores estaban clarísimas: azul e branco, as cores da bandeira de Galicia.

 (Storyboard...iso aprendémolo do Nós tamén creamos!)

E...coa materia prima xa ordenada, cociñouse un bo produto elaborado...Como cho conto!


 

martes, 19 de maio de 2020

TEATRO...PARA QUE?


Un século son cen anos. Un cento de anos=100 anos.

Hai cen anos que temos Teatro en Viveiro!
Teatro Pastor Díaz, desde 1920. Que privilexio!





Teatro...Para que? 

Estrelas Compañía de Ópera poden explicarnos a enorme importancia que ten o Teatro, para o público e para quen o crea desde dentro combinando texto,voces, música, efectos sonoros, escenografías, vestiario, expresión corporal,
luces...

Cultura e Artes escénicas no directo para mandar unha mensaxe importante ao mundo.Sentir unión!

Onde está o público agora? O patio de butacas está baleiro.
O público está nas casas! Máis..
#A Cultura segue

Como están a vivir esta situación o mundo das Artes escénicas? Cantas e que profesións están implicadas? 
Por que é tan importante o directo?

Que aprendizaxes pode aportar crear unha ópera ou un teatro musical?
Que aprendizaxes aporta a ópera e o teatro como público?

Ricardo Carvalho Calero, ademáis das súas lecturas asistía ao Teatro Jofre.



Ricardo pasaba as obras completas de ópera, zarzuela e teatro preguntando o porqué de cada movemento no palco. As experiencias lidas e vividas moveron ao pequeno Ricardo a escribir pequenas pezas teatrais que levaría á práctica cos seus irmáns,nun Teatro particular, na casa. Era guionista, director e rexedor da pequena Compañía familiar. 

Cando  Carvalho Calero foi mestre no colexio innovador de Fingoi (1950-1965) traballaba teatro co seu alumnado.

Ricardo Carvalho Calero escribiu teatro:
En 1971 publica Catro Pezas
  • A sombra de Orfeo
  • Farsa das zocas
  • A árbore
  • Auto do prisioneiro
En 1982 publica Teatro Completo que ademais das obras publicadas en Catro Pezas incluía
  • O fillo de Isabel
  • O redondel
  • Os xefe

Teatro tamén é un xénero literario de escita en forma de diálogos e descricións (acotacións) para ser representado.


Teatro...Para que?
Estrelas Compañía de Ópera explican...reflexionan...
LÓVA: a ópera como vehículo de aprendizaxes.


Por certo, Estrelas, sabíades que Ricardo Carvalho Calero cando era neno non tiña moitos amigos e pasaba as tardes de domingo no faiado
Que imaxinades que faría no faiado?

ESCRIBIR UNHA BIOGRAFÍA


Biografía (bio-vida, grafía-escrita, rexistrada).
  
Cando escribimos unha biografía contamos o máis importante da vida de alguén.

Como escribimos unha biografía?
Como escribimos a biografía de Ricardo Carvalho Calero

1. Documentámonos. Lemos moito sobre esa persoa.
    Informámonos! Lectura comprensiva.
    (Temos os recursos ordenados no blogue da Biblioteca).

2. Datos importantes. Rexistramos os datos relevantes.
  • Nome e apelidos. Identidade
  • Data e lugar de nacemento
  • Infancia
  • Estudos
  • Profesións
  • Feitos destacados
  • Que fixo por Galicia, pola Cultura e pola Lingua?
  • Que escribiu?
  • Data e lugar de falecemento 
 3. Redactar ben a partir dos datos obtidos.
    Empregamos a orde cronolóxica.
    Redactamos ben cada parágrafo.
    Temos en conta as posibles persoas lectoras/oíntes
    para informar ben.

4. Corrixir o escrito. Lemos e relemos.
  • Está ben redactado? Enténdese ben?
  • Contén erros ortográficos? Consulto dúbidas.



Carvalho Calero, Ricardo
 (Ferrol 1910-Santiago de Compostela 1990).


 Se  tiveramos que escribir a biografía dunha persoa viva poderiamos preparar unha entrevista para facerlle.
No caso de biografías das persoas homenaxeadas nas Letras Galegas non é posible facer unha entrevista directa.
Si poderiamos entrevistar a familiares ou persoas estudosas ou expertas nesa persoa.
 

 Biografía (bio-vida, grafía-escrita, rexistrada).

 Bibliografía ( biblio- biblioteca,libros e recursos)

Consultamos  bibliografía.


domingo, 17 de maio de 2020

FACEMOS RADIO?

Facer radio? Como é? 

1.  Escoitar e fixarse como fan profesionais da Radio.
2.  Programa informativo... Documentarse sobre o tema.
3.  Facer preguntas importantes e elaborar respostas.
4.  Guión. Texto informativo para ser escoitado.
5.  Escaleta.Estrutura do Programa.

Gravar os audios co Audacity
 (Nos equipos -Son e vídeo- Audacity.)

Caracola Radio do CEIP Plurilingüe
 San Benito de Lérez:



Se queremos facer un Programa informativo
 Especial Letras Galegas...

Por onde comezamos?
Cales serían os contidos e como irían ordenados? 

1. Documentarse. Procurar a información
 nos recursos da Biblioteca

2. Coa información atopada elaborar unha boa resposta.
Textos. Redactar para informar á audiencia.

Atención! Imos necesitar moi bos textos informativos. Ben redactados! 

 3. Mastigar ben os textos.Ensaios. Lecturas en voz alta.

Xa ensaiado o que se vai a dicir, buscamos un momento con tempo e tranquilidade para gravar os audios! 

Enlace Do texto ao Audio

Enlace  TEXTO E AUDIO nas Ciencias

 

PDI: LETRAS GALEGAS 2020

PDI: Proxecto Documental integrado.

Logo da boa experiencia e aprendizaxes co PDI "Soñando mares transparentes", decidimos traballar do mesmo xeito coas Letras Galegas 2020: Ricardo Carvalho Calero.

1. Documentarse
2. Manexo da información
3. Comunicar o aprendido. Infoproduto.

Antes desta situación actual,fixémonos con unha bibliografía de base:

Libros para documentarse sobre Ricardo Carvalho Calero

Gustounos especialmente as 7 pezas teatrais que propón Héctor Cajaraville.

No terceiro trimestre, desde Biblioteca e Dinamización da Lingua tiñamos pensado traballar moito o Teatro...

Todas as propostas programadas para traballar As Letras, era complicado levalas a cabo desde a casa. Así que, pensamos un plan B e readaptamos  o traballo:

Os recursos están ordenados no blogue da Biblioteca, para ser consultados.

Diseñamos tarefas por niveis: (Maio e Xuño de Letras)

INFANTIL- Coa axuda das familias están traballando para dar a coñecer e valorar o grande tesouro que é a Nosa Lingua.A palabra galega! Vídeos e cartaces.

1º E. PRIMARIA- Póñenlle cara a Carvalho Calero.Son ilustradoras e ilustradores encargados de facer Caricaturas!
As caricaturas servirán para logo incluír en traballos, facer marcapáxinas,... Presentación dixital.

2º E. PRIMARIA -As pitas baixo a choiva.Tomando como referencia o texto de Ricardo Carvalho, xuntan vídeo, pitas  audios coa súa voz e moita creatividade.Vídeo-montaxe.

3º E.PRIMARIA- Reporteiras e reporteiros  Como cho conto! Traballan para axudarnos a corrixir erros e coñecer  normas da escrita en galego.

4º E. PRIMARIA- A Compañía de ópera Estrelas explícanos sobre Teatro e ópera, unha das paixóns de Carvalho Calero.
Podcast.
 
5º e 6º PRIMARIA- Tarefa propia de xornalistas. Logo de documentarse ben, realizan un Programa de Radio informativo: Especial Letras Galegas.

Traballamos a nivel de centro, coa implicación das titorías,  das especialidades,do  alumnado e das familias. 
Así nos gusta traballar!

Que o Galego se sinta, se escoite,se vexa, se lea, se escriba, se cante e se baile!
 
Maio e Xuño coas Letras,
Da Fala e da Escrita, no Santa Rita!

sábado, 16 de maio de 2020

DA FALA E DA ESCRITA, NO SANTA RITA!

Ricardo Carvalho Calero era filólogo, estudoso da Lingua.



Nunha Lingua é preciso distinguir A Fala da Escrita.
Na lingua inglesa podemos distinguir isto máis facilmente.
A escrita  é un modo visual de representar a fala.
Pero non falamos igual que escribimos.
Na escrita hai contido (as ideas que se expresan) e
 hai forma, normas para escribir.

Na escrita traducimos os sons da fala en grafías: letras, sílabas, palabras, frases, parágrafos e textos. Entran en xogo as normas ortográficas, a gramática e a estrutura dos textos.
Non é fácil escribir ben.

Falamos para que podan escoitarnos.
Escribimos para que podan lernos.

E para que podan lernos sen dificultade,
 debemos coñecer e aplicar ben as normas da escrita.

Na historia da Lingua Galega houbo os séculos escuros, moitísimos anos en que a escrita en galego non estaba permitida.

Ricardo Carvalho Calero aportou moitísimo sobre a historia da nosa Lingua, sobre a fala e sobre a escrita.

Que sabemos da normativa da escrita en galego? 
Que idea defendía Carvalho Calero?
 

LINGUA, LITERATURA E LETRAS GALEGAS!

Que celebramos cada 17 de Maio?




Lingua, Literatura e Letras Galegas.

A celebración das Letras comezou con Rosalía de Castro.
Este ano, Letras 2020: Ricardo Carvalho Calero.
Para documentarnos consultamos recursos da Biblioteca
 

TEXTOS E AUDIOS DAS EXPERTAS

Grazas, Sabela, Emma e Blanca 
polos vosos bos textos e audios!

Queda claro: (en frases ben feitas)

    Os pingüíns necesitan frío, xeo e Krill.
   O Krill é unha especie de crustáceo.
   O Krill é o alimento dos pingüíns.
   O xeo derrétese polo cambio climático.
   Cada vez hai menos Krill pola sobrepesca.
   Sen xeo e sen Krill, os pingüíns están en perigo.
   Podemos axudar con educación e non contaminación

xoves, 30 de abril de 2020

HAI QUE PREGUNTAR...A QUEN SABE!

O alumnado de Segundo é experto en 
PINGÜÍNS.

A ver se nos aclaran cun pequeno texto e audio o que queremos saber...

Que necesitan os pingüíns?
Que é o Krill?
Que ocorre co xeo e co Krill?
Como podemos axudarlles?

Texto e audio para aprender Ciencia!

DA INFORMACIÓN AO COÑECEMENTO.PDI

 PDI: Proxecto Documental Integrado

 O PDI é unha forma de traballo que permite transformar a información en coñecemento.
Acción educativa coa Biblioteca

Investigación:
1. Decidir un tema
2. Deseño dun plan . Rexistro do proceso.
  • Que sabemos?
  • Que nos gustaría saber?
  • Onde buscar?
  • Como o imos expresar? Proposta de traballo final .
Por exemplo, na clase de Segundo...Os Pingüíns.

Foto do plan de traballo sobre Os Pingüíns.PDI 2ºPrimaria

A información está na Biblioteca en multiplicidade de documentos. Hai que aprender a traballar coas distintas  informacións.
 Podemos partir dunha Bibliografía temática.


Bibliografía de partida para traballar sobre Os Pingüíns. 2º Primaria

Procesamento da información:
1. Procurar a información.
2. Construír o coñecemento.
3. Comunicar o aprendido nos distintos documentos.

Traballamos Autoaprendizaxe e Tecnoloxía.

Competencias:
  • Saber que información é importante.
  • Ler en distintos soportes,ler distintas informacións.
  • Entender o que lemos
  • Comparar e valorar as fontes consultadas.
  • Argumentar, reflexionar.
  • Ser responsables, estar ben informados.


Visitas e charlas de persoas expertas, documentais...
tamén son recursos moi valiosos.

Enlace ao blogue de Segundo

Enlace ao vídeo coas conclusións

TEXTO E AUDIO NAS CIENCIAS

Están chegando moi interesantes textos e audios para traballar Ciencias.

Gústanos moito traballar Ciencias sen libros de texto! 

Como facemos? 
INFORMÁMONOS, DOCUMENTÁMONOS
A través dos libros da biblioteca,
libros informativos, revistas especializadas,
facendo experimentos,vendo outros experimentos,
escoitando a persoas expertas,
investigando  e consultando información na internet.

1.Lemos moito,
2. Recollemos os datos importantes e as fontes consultadas
3. Ordenamos a información 
(mapa conceptual, esquema ou guión)
4. Elaboramos bos textos 
5. Gravamos os audios dos textos

No noso caderno imos construíndo o noso propio libro. 
Asegurámonos de que  a información é fiable e está actualizada.
 
É moito traballiño, pero tamén moita aprendizaxe!
Non só aprendemos Ciencia,tamén Lingua.

Como elaboramos bos textos? Planificamos.
Ordenamos a estrutura do texto. Mapa conductual.


Poñemos un  título claro. (As plantas)

Redactamos o texto explicativo-informativo.
Ben feito, como se fose para publicar nun libro de texto.
Daquela, coidamos moito a linguaxe e a ortografía.
Elaboramos boas frases e bos parágrafos.
Consultamos o dicionario... 
Corriximos e corriximos.

Logo de ter claro o tema, coa información traballada podemos facer outro tipo de textos máis literarios ou creativos sobre o mesmo tema 
(A importancia das plantas).
Unha carta de agradecemento ás plantas,
unha canción,un rap, un poema, ...

 Gravar en audio, para que?
Para seguir aprendendo! E para compartir o aprendido.

O proceso de gravación e escoita axúdanos a mellorar  a nosa expresión e a ter máis claro o aprendido.
Se temos a información en audio podemos aprender da escoita. Quedarán máis claros os conceptos!


mércores, 29 de abril de 2020

CORPO PARA EXPRESAR

O mundo está parado?
Mente en branco
Guadi Galego

Música, danza...corpo para expresar!
O bailarín Fredi Muíño!


  

29 de Abril, Día Internacional da Danza.

martes, 28 de abril de 2020

HORA DA ESCOITA. CAPÍTULO XII

No capítulo 11 escoitamos sobre a  biodiversidade
  (bio-Vida) que hai na Fraga.

12. Os inimigos da fraga



Con este capítulo, a través da conversa de Clara e Nimo, aprendemos moito sobre a lenda orixe dos didgeridoos , sobre os eucaliptos e sobre os corvos.

Escoita ben e logo expón a información aprendida...
Que sabemos sobre:

1. Os didgeridoos. Que son e que conta a lenda.
2. Os eucaliptos. 

Non teñas présa! Escoita, dalle ao Pause e recolle a información necesaria
Logo redacta un bo texto. Elabora ben as frases e corrixe.
Despois de que teñas un bo texto, practica e grava o audio.

Céntrate primeiro nun dos textos e o seu audio. 
Cando teñas resolto a orixe dos didgeridoos xa podes centrarte nos eucaliptos.
Ou, podes comezar polos eucaliptos!

Lembra que os obxectivos son:
  • Escoitar con atención
  • recoller os datos
  • elaborar bos textos ordeando os datos
  • corrixir os propios textos
  • practicar a lectura en voz alta
  • gravar bos audios comunicando o aprendido
Todo o proceso require tempo e esforzo.
Reparte a tarefa en días e vai facendo...
É preferible que só fagas un dos textos ben feito
(Os eucaliptos, por exemplo)

Non hai présa! Hai oportunidades de aprendizaxe!

sábado, 25 de abril de 2020

MÚSICA PARA NOVOS CAPÍTULOS

O DIDGERIDOO,semella unha grande trompeta de madeira.

 




 
No capítulo 12, saberemos algo máis deste aerófono.
Nimo toca o digdgeridoo e cóntalle a Clara a lenda
da súa orixe.


Peer Gynt é un drama do escritor noruegués Henrik Ibsen.
Está escrito en verso. É do ano 1867.

Outro  noruegués, o músico  Edvard Grieg compuxo
 A Canción de Solveig, a que amaba a Peer Gynt.

Unha canción triste e asemade fermosa, que Nimo asubiaba...


LER E APRENDER

É necesario e importante LER todos os días.
Ler é alimento para o noso cerebro e para a nosa alma,
na súa fame de palabras. 

Lemos con moitos obxectivos distintos.
Lemos por pracer
tamén lemos para aprender.
Lemos para informarnos ou
para consultar informacións.
Lemos para coñecer lugares, personaxes
e moitos referentes.
Ler axúdanos a mellorar na Lingua:
  • aprender vocabulario novo,
  • a ver distintas formas de escoller palabras e elaborar frases para contar historias.
  • Tamén axuda a mellorar a nosa ortografía. Nun libro, as palabras están ben escritas. Só temos que fixarnos!
 "Un libro é un amigo que pode corrixirte sin xulgarte".
 Carmen de Máximo

xoves, 23 de abril de 2020

LIBROS E LECTURAS

En abril, Libros e Lecturas mil!
Importante é o que facemos coas lecturas que lemos...



Que facemos co que lemos?

 Un fragmento de Unha misión para Clara:

__ Moito sabes, Nimo! Onde aprendiches tanto?!
__ Nos libros, miña Amiga, nos libros. 
     O primeiro que leo é o da natureza, máis tamén entro  nas Bibliotecas. Non quero que o sacrificio de árbores para facer papel sexa en van.
 

mércores, 22 de abril de 2020

CARTA PARA COMUNICARSE

Hoxe, se temos que comunicarnos con alguén que non está presente, podemos empregar o móbil,mandar un Whatsapp ou un correo electrónico.Empregamos as tecnoloxías.

A comunicación pode ser máis inmediata e pode incluir mensaxes curtas, audios, videos...

Pero, como facían os nosos avós e bisavós emigrados para comunicarse coa familia desde lonxe se non existían os móbiles nin os medios tecnolóxicos de agora?

CARTAS para comunicarse! 

A palabra escollida e escrita é máis reflexionada.
Ao tratarse dunha comunicación non inmediata, tiñan que pensar moito máis as palabras que escribían.

As cartas teñen unha estrutura que debemos respectar.
Como se escribe unha carta? Imos por partes:


 1. Lugar desde onde se escribe e data, arriba á dereita.

 2. Saúdo, xa na esquerda e antes dos ":" (dous puntos). 
O saúdo pode ser máis ou menos formal. Iso vai depender da persoa destinataria á que nos diriximos.
Por exemplo,
Querida Amiga:
Estimadas familias:
Como  a carta non é unha mensaxe de móbil, nin un correo electrónico , traballamos mellor o saúdo e evitamos fórmulas demasiado informais como "Ola!", ou "Bo día!".
Ante a dúbida...Comezar sempre con "Querida" ou "Querido", "Estimada" ou Estimado". 

3. Contido ou corpo. É a parte máis longa da carta. Temos que ter en conta que a persoa que vai dirixida non nos pode contestar no momento.Daquela somos só emisores nesta parte da comunicación. As cartas son para ler...e deben ser máis ben  longas.

Estruturamos ben os parágrafos. 
Contamos cal é o motivo ou motivos polos que escribimos a carta.
Expresámonos ordenadamente.
Poñémonos no lugar de quen vai a recibir a carta. Asegurámonos que se entende ben a idea,sentimento ou opinión que queremos expresar.
Non temos présa. Trátase de pensar moito e elixir ben as palabras.

4. Despedida e cerre. Unha vez finalizado co corpo da carta, redactamos unha despedida con un cerre.
Exemplo,
Agardo ter novas túas moi pronto.
Saúdos e moita Saúde.Lémonos!
Unha aperta tamaño horizonte!
Asinamos co noso nome, abaixo á dereita.

5. PD (Post data) . Ás veces pode ocorrer que, xa escrita a carta e antes de metela no sobre, lembramos algo importante que se nos esqueceu escribir na carta.
Pois...Tranquilidade! Engadimos as letras maiúsculas
 P.D.e aquelo importante.
 
Interesante isto de escribir cartas,non? 
Podémonos adaptar ao xeito de comunicarse das persoas maiores e ao xeito de comunicarse antigamente.

Lembra que as cartas é un escrito de resposta non inmediata.
Debemos esforzarnos porque se nos entenda ben.
Boa letra e pensar ben as frases antes de escribir.
Revisa e revisa o escrito.
Se é unha carta formal, é aconsellable facer un borrador e logo pasar a limpo.

Cartas en tempos de confinamento...Reflexionamos e melloramos a forma de expresar por escrito os nosos pensamentos.
Escribir, con e sen tecnoloxías!


Enlace ao audio  para escoitar o texto