ADAPTACIÓNS DE ACCESO AO CURRÍCULO

En qué consiste? Que é unha adaptación de acceso?

ACCESO= ENTRADA ou PASO.

Pois...Existen casos de alumnado que por  limitacións sensorias na vista e/ou no oído (xusto as canles máis importantes de entrada de información)  presentan desfase curricular porque non poden acceder ao currículo. Necesitan  adaptacións para facilitar o acceso ao currículo. Non se trataría de una adaptación do currículo a niveles máis baixos. Se non facilitamos o acceso non solucionamos nada!

As adaptacións de acceso son previas e prioritarias ás adaptacións propiamente curriculares.

E por que teñen dificultades? Cales son as dificultades de acceso?

SPREAD THE SIGN

Dicionario internacional de Linguaxe de Signos! Un producto do Centro de Lengua de Signos Europea.
Ferramenta web pedagóxica de uso gratuito.

Tamén dispoñible en Smartphones.

Para que? Pois depende de tí e da túa cretividade no uso.

Enlace a SPREAD THE SIGN

Entra, remexe, proba! Moitos idiomas, moitos usos.
O mínimo, aprender LSE ou doutra lingua! Mete o termo, elixe o idioma e...en video terás o resultado.

Moi útil, non sí? Pois, veña, a remexer e a aprender moito!

ESCOITA E APRENDE COS LIBRO-DISCOS!

Xa dixemos que é moi necesario traballar a ESCOITA e tamén os libros cos máis pequenos.
O formato libro-disco está de moda, é atractivo e da moitísimo xogo! Para traballar a ESCOITA, A LÍNGUA e tamén a PRELECTURA ou A  LECTURA.

Desde bebés, cos seus sons e onomatopeias

Gatuxo, Gatuxa, de Magín Blanco. Ilustracións de Erica Maradona

Para Mirar, escoitar e..cantar!


Outros libros -disco:

Pan de Millo. Migallas.Kalandraka. Ilustracións de Dani Padrón.

Brinca vai!Paco Nogueiras. Kalandraka. Ilustracións de David Pintor.

Colección Sonárbore. Galaxia.

Os de María FumaÇa

 ou de Mamá Cabra.

e moitísimos máis  libros-disco

Enlace a Sonárbore TV

SonárboreTV é o novo canal de Youtube da editorial Galaxia, que presenta algúns audios da Colección Sonárbore. 17 vídeos para nenos e nenas, ademáis da versión Karaoke ou subtitulada na maioría deles.

Como "traballamos" cos libros-disco?

Pois de moitas diversas maneiras!. A base da aprendizaxe e da lectura é a interacción. Isto facilita moito que as familias se senten cos pequenos  e pequenas e 

• comenten as ilustracións.
•  escoiten as cancións e vexan a letra ao mesmo tempo.
•  que falen das cancións. 
• que relacionen cancións con ilustracións, 
• que lean e que canten xuntos.

Logo, sen libro diante,o  exercicio de escoita xa é máis doado.

Na clase, exercicios con libro-disco, xa son un pouco máis específicos.

Xa non se trataría só de escoitar, senon de reflexionar sobre o que se escoita.

Xogar coas rimas, co vocabulario, coas palabras e partes de palabras nas que precisemos centrarnos.

Serían, por exemplo exercicios de Listening, completar ocos onde faltan palabras previamente seleccionadas que terán que escoitar e escribir. Logo pódese buscar a letra completa no libro e correxir.Tamén podemos xogar a cambiar as letras e buscar outras rimas, ...depende dos obxectivos que persigamos nese momento.

Ademáis, ao contar co DVD Karaoke...ainda da máis xogo! Seguir a lectura no video.

Con pictogramas, encántame a idea! Poderiamos pictografiar ou ilustrar as letras de xeito máis visual.

Un exemplo desde SonárboreTV

Video incluído no libro XIQUI XOQUE FIÚ FIÚ! María Fumaça. Editorial Galaxia 2014
Realización dos debuxos: Paxi Da Silva.

OS REIS DE RUI. MARIA FUMAÇA

MARÍA FUMAÇA,
Proxectos que nacen do amor...

Cantar e bailar para ser máis feliz! 

Xiqui Xoque Fiú, Fiú!

A Rui, un rapaz moi especial!

Uxía, Chus, Ana, Manuel, Magín Blanco, Serginho Sales, Irea e Carme, Pablo e Manuel, e outros membros da María Fumaça!

Libros CD que inclúen Karaoke!

O que en principio era un agasallo familiar para unha noite de Reis para Rui está sendo un Proxeito xeitoso, cargado de vida e de Alegría.




Con un tema do Xiqui Xoque, valaquí unha moi boa idea para tomar nota e montar outros temas musicados, representados, subtitulados ou pictografiados e en Linguaxe de Señas. Accesible!

Grazas, María Fumaça por tanta alegriiiiiaaa, yes! Grazas, Rui!

Un pequeno exemplo do que esta familia vai provocando. Os cocoricos de Aida Oitavén tamén signan a Alegría de María Fumaça!

FORMACIÓN VERSUS ENTRENAMENTO!

Nas TICs, na Atención ás Diversidades..., no día a día dos contidos escolares...tan importante é a formación coma o entrenamento.

Ás veces dicimos que os mestres non estamos formados... Os mestres e as mestras estamos suficientemente formados! Igual estamos pouco entrenados, pero estamos formados! Necesitamos tempo para enredar, comprobar o que pasa, explorar,investigar...e logo programar segundo estes descubrimentos.

O tempo é ouro, díxose sempre...Unha boa mestra debería ter tempo para enredar, entrenarse e programar!

Se a un mestre lle cargamos o horario de clases e burocracias administrativas...é dificil que teña tempo para programar as clases, innovar e entrenarse, aínda que pretenda sacalo das horas de sono ou de descanso!

O adaptar materiais, preparar as clases, buscar e xestionar os recursos, coordinacións,... e tan ou máis importante que as clases directas. É un traballo que leva o seu tempo e o seu esforzo, fóra do horario lectivo.

No caso das mestras de AL, esta parte do noso traballo é importantísima, para poder intervir con éxito en cada caso. As TIC e o mundo en rede axudan moito. Pero necesitase tempo , ademáis da gana para entrenarse...e poder probar e poñer en práctica o aprendido na formación.

TADEGa, Diversidade e TICs

Se AGPETAL resultaría unha asociación máis específica de mestres de AL, TADEGa é unha asociación máis aberta, entre a Atención á Diversidade e as TIC, no ensino.

Este 22 de decembro tivemos asamblea TADEGa en Santiago. Esperamos un bo Congreso 2015 con moitas sorpresas e obradoiros . Para atender á diversidade do noso alumnado e para seguir aprendendo, formándonos e entrenándonos!

Ideas, motivacións...só tes que visitar a páxina de TADEGa...

TADEGa

AGPETAL E A ESTIMULACIÓN DA LINGUAXE

O venres pola tarde e o sábado todo o día reunímonos un grupo de mestras de AL en Coruña, na UNED.

XIV Xornadas AGPETAL (Asociación Galega de Profesorado Especialista en Técnicas de Audición e Linguaxe).

Desta volta o título era "Trastornos do desenvolvemento en Educación Infantil. Estratexias e Técnicas de intervención e conducta".

Comezamos a xuntanza con Fátima García Doval , que estrena asesoría de Orientación da Consellería de Educación. É dicir, que temos un teléfono e un correo ao que acudir en caso de dúbida. Fátima sempre responde no teléfono de Atención á Diversidade: 981-546512.

Fátima lembrounos que os teléfonos de hoxendía non son teléfonos, senon pequenas computadores coas que ademáis podemos realizar chamadas. A tecnoloxía móbil e a Comunicación Aumentativa é moi importante. Reflexionamos sobre os Comunicadores  e as mensaxes que incluir nestes. Empezando pequeniño ainda que pensemos en grande, coa capacidade de ir medrando coma se de unha Biblioteca se tratase. Non hai comunicador perfecto pero temos opcións de facer boas cousas: PictoDroid Lite, PiktoPlus ou In-TIC, segundo necesidades.