Páxinas

mércores, 25 de marzo de 2020

O PROCESO. MIGALLAS!

Se pan de millo vas merendar,
mira o traballo que hai detrás!
Portada do libro CD Pan de Millo, de Migallas. Kalandraka



Facer o Pan é un proceso
Os procesos levan tempo e dedicación
Dentro dun proceso hai fases e moitas accións
Moito traballiño

PROPOSTA 1:
Pon atención á canción e á letra. Toma nota dos verbos (accións) que se necesitan para facer o Pan de Millo.
Anota pola mesma orde en que aparecen. Podes parar o vídeo para asegurarte e copiar sen faltas.
Fai unha lista , cada acción nunha liña:


1. Plantar
2. Esperar
3. Nacer
4. ...

Sigue a lista. Cantas accións (verbos)
e canto traballiño,verdade?


PROPOSTA 2:
Agora imos, a partir desa melodía a cambiarlle as accións para describir outro proceso...

Se o teu curso queres aprobar,
mira o traballo que hai detrás! 
 (En outubro do 2016, logo co permiso de Migallas, partín da música e da estrutura da canción Pan de Millo, cambieille os verbos e algunha cousiña máis.  Trataba de  explicar mellor o proceso da Escrita e todo o traballo que hai detrás. Nas estrofas veredes reflexadas as 4 habilidades necesarias nas que sempre insistimos as mestras e mestres: ESCOITAR, FALAR con discurso ordenado, BEN LER e ESCRIBIR.)

Quedádevos coa música de Pan de Millo para poder aplicarlle a nova letra :
Se o teu curso queres aprobar,
mira o traballo que hai detrás! 

Hai que ESCOITAR
hai que esperar.
Logo, pensar
e relacionar.

Se o teu curso queres aprobar,
mira o traballo que hai detrás! 

Hai que MIRAR,
hai que observar.
Logo,ben ler
e comprender.


Se o teu curso queres aprobar,
mira o traballo que hai detrás! 

Hai que PENSAR
hai que ordenar.
Logo,escribir
e revisar.

E revisar!
E revisar!


Pois, xa sabes do proceso! O pan de cada día.
Cada día conta. A traballar! 

Ningún comentario:

Publicar un comentario