Catro Habilidades que temos que desenvolver para ter competencia nas Linguas:
- Escoitar
- Falar con discurso ordenado
- Ben Ler- (Comprender. Tamén imaxes estáticas ou en movemento).
- Escribir
Escribir non é un exercicio doado. A linguaxe escrita é unha representación da linguaxe oral. A escrita está suxeita a normas. Non podemos escribir como falamos!
Na escrita hai que...
- pararse a pensar
- escoller ben as palabras do que queremos expresar
- ordenar facendo boas frases
- ter en conta a ortografía e as regras para convertir os sons nas grafías(letras) correspondentes.
Como "A letra con Arte entra" imos devagariño, moi amodiño no proceso da escrita.
PROPOSTA DA IMAXE Á PALABRA coa grande Artista IRENE SILVA.
Imos poñerlle palabras , texto, a partir das súas imaxes gravadas...O primeiro paso será...coñecer algo da obra desta artista, viaxar polos seus lenzos...
Preme no enlace á súa páxina oficial...e logo no "Ler máis" para seguir a proposta.
Foto de Irene Silva Xiráldez
Unha vez visto parte dos seus lenzos e os seus títulos, escolle un par deles. Observa ben...
Pensa...Que che suxire? Que ideas se che veñen á cabeza?
Escolle as palabras que mellor concretan a túa idea.
Ordena, fai unha frase ben feita.
Pon o texto, non te conformes con unha frase...Proba a poñer palabras sen medo. Practica!
Podes facer un título novo, contar unha pequena historia a partir do que ves, unha descrición, unha opinión, un rap, un poema...O que queiras! Pero escribe!
Apréndese a escribir...Escribindo!
Un segredo: nunca se acaba de escribir cando se pon o punto e final. É preciso REPASAR mínimo tres veces, para asegurarse de que está ben escrito.
(Ordenei ben? Ten sentido? Enténdese ben?)
Se hai dúbidas coa ortografía e o idioma podes consultar nos dicionarios.
Se estas escribindo en galego lembra consultar o "dicionario" con un só "c" ou o dicionario da RAG (Real Academia Galega).
Da imaxe á palabra.
Exercicio de expresión consciente.
Escribir pode ser moi divertido, non si?
Ningún comentario:
Publicar un comentario