TEXTO PARA EXPLICAR O APRENDIDO

Que son os ecosistemas?

Coa escoita e a lectura aprendemos moitísimo.
Temos acceso á información.

Logo, se queremos comunicar o aprendido,
primeiro temos que procesar e ordenar ben
a información.

Podemos facer un mapa conceptual para ordenar as ideas. 
Facemos preguntas para organizar o tema central:

1.Que son?
2.Como son?
3.De que están formados?
4.Como funcionan?

Coa axuda do mapa conceptual e as preguntas, comezamos a redactar.
Un parágrafo mínimo para cada resposta.

1. Poñemos o título do tema  e damos unha definición. Explicamos que é. 
(suxeito correspondente e o verbo ser: é ou son).

Hai que esforzarse en facer ben o texto, 
posto que é para ser publicado.

O texto tamén pode ser a base do audio
para facer un video ou unha curta de animación. 
Daquela hai que facelo moi ben!

Ponte a proba! Comeza por explicar 
Que son os ecosistemas? 

Envía o teu texto e tamén o audio.

O TEXTO NA MONTAXE AUDIOVISUAL

Para facer unha boa montaxe audiovisual (audio e video) é moi importante o texto.

Que queres contar?

1. Escribimos o texto: o guión. 
Debe ser un bo texto, ordenado.Imos explicando o que queremos contar sen présa, facendo boas frases.
Distinguimos tres partes:

• Entrada: Que vou contar? Título e tema.
• Desenvolvemento: Conto de xeito ordenado.
• Cerre: Que contei?E onde atopei a información?

Cito as fontes.

Como é un texto escrito...reviso, reviso e reviso!
Enténdese ben? Está ben ordenado e claro?
A historia ten que estar ben contada só co texto. 

Proposta:
Fíxate no texto da entrada anterior: Quen foi Áurea Rodríguez?
Observa as tres partes do texto.
Proba a facer ti outro texto con outra das Músicas Galegas. 
Quen foi....? ou Quen é...?  
 

QUEN FOI ÁUREA RODRÍGUEZ?

ÁUREA RODRÍGUEZ, a raiña da gaita!
A primeira gaiteira e manager galega.

 Ilustración feita por Laura Romero. Libro Ferreñas e Rock&Roll. Baía E.

Ilustración feita por Nuria Díaz. Libro Pioneiras. Xerais.

Proposta:

1. Fíxate no texto que segue na pestana de "Ler máis".

2. Le e estudao ben.

3. Ponlle voz. Grava o audio. Cita as fontes.

4. Envia o audio a ermiclase@gmail.com

HORA DA ESCOITA. CAPÍTULO V

Que haberá na misteriosa maleta de coiro?
Abrirá Clara a maleta?

Escoita con atención o capítulo de hoxe.

Poñemos voz ao texto de Marica Campo.

5. O soño e a chave 

Malvaviscos? Que será iso?
Pista: Uns emigrantes retornados de Inglaterra montaron unha pastelería e téñenos.

PROPOSTA:
Entérate ben do que son os malvaviscos.
Por que son caros e non doados de atopar?
Como se fan? Que ingredientes levan?

1.Infórmate na rede. Le e comprende.
2.Logo ordena ben a información que atopaches.
3.Conta ben, por escrito,o que aprendiches sobre os malvaviscos. 
En galego. Lembra revisar o escrito.

Non copies "tal cual está na rede". Redacta ti!

Imaxe de malvaviscos

Axuda dun mapa conceptual 

 para redactar cada un dos parágrafos.

GRAVAR AUDIO CON VOCAROO

Ás veces temos que gravar un arquivo de audio para enviar. 

A tarefa de gravar pode ser moi fácil coa ferramenta online Vocaroo.

Enlace a VOCAROO

 

Podemos gravar mensaxes de voz sen ter que instalar ningunha aplicación. 
Podemos descargar o arquivo e logo envialo.
(Preferiblemente en .mp3)
Non ten límite de tempo.
Pode ser moi interesante para as vosas lecturas.

FAUNA MARIÑA

Sabemos o nome dos peixes e outra fauna mariña?

Escoita, mira e aprende coa canción
 "Peixiños do mar" de Magin Blanco. 

 

Os videos ben montados con boa imaxe, texto e música tamén son moi recomendables para asegurar vocabulario.

INGREDIENTES.PURÉ DE VERDURAS.

A nai de Clara prepara un puré moi san.
A Clara non lle gusta a cenoria.
Coñeces os nomes dos ingredientes?






 Sabias que con Google Slides podes facer boas presentacións? Este tipo de presentacións poden resultar moi útiles para repasar vocabulario.

Os pictogramas podemos procuralos en ARASAAC.

Centro aragonés de Comunicación Aumentativa e Alternativa

 Enlace a ARASAAC 

HORA DA ESCOITA. CAPÍTULO 4.

A familia de Clara está sentada á mesa.
O pai de Clara conta un feito algo estraño que lle sucedeu no traballo.

4. Un home e outra maleta

PROPOSTA:
Pon atención e contesta por escrito.
1. En que traballa Antón, o pai de Clara?
2. Que estaba facendo Antón cando petaron na porta do seu despacho? 
3. Que fixo Antón coa maleta?
4. Que semellanzas hai nas historias do neno e do home das maletas de coiro?


Consello: Antes de escoitar a lectura unha segunda vez, le ben as preguntas.

Fíxate na información importante.

Ordena e revisa o teu escrito. 

MULLER! MARICA CAMPO

 Grazas ás boas investigacións
 do alumnado de Terceiro
 sobre MARICA CAMPO. 

Sabiamos que Marica Campo era a autora do libro Unha misión para Clara.

Enlace á entrada O Cataventos2 

Da wikipedia e da guía de lectura da editorial sairon as primeiras informacións desta escritora e mestra xubilada.

Houbo un dato que chamou a atención: a escrita de letras para o grupo Fuxan os ventos.

Destacamos o seu poema Muller!

Escoitamos como sona o tema con Fuxan os ventos e Mercedes Peón.



A versión de Muller! que inclúe Sés no seu disco Rabia ao silencio.



 Quen son Mercedes Peón e Sés?
Sobre diso investigan Quinto e Sexto...

HORA DA ESCOITA CO RAP DE LOIS

Xa temos controladas as cancións do capítulo 3 
de Unha misión para Clara:

Lucy in the sky with diamonds, The Beatles.
A tradicional "Sete cuncas", que  Clara canta coma un rap.

O primeiro rap en chegar ao correo foi o de Lois. 
Atención, porque imos a escoitar ese rap incluído na lectura. 
Deixo o enlace que vos leva á escoita!

Prema para escoitar o capítulo 3

3. Clara non quere ser unha abesullona

 PROPOSTA 1: Dicionario da RAG

Que significa abesullona? 
Abesullona é unha palabra adxectivo. Ás veces, procurando o significado dunha palabra debemos recurrir ao verbo, e facer unha segunda procura.

Por que Clara non quería ser unha abesullona? 
Que significa osmar?
Cos significados aprendidos, explica por escrito a situación da maleta e o título do capítulo.

Que trae o dicionario da RAG sobre o xustillo?
Define o que é e procura unha imaxe ou debuxo.

PROPOSTA 2:
Que conta Clara sobre Lucy, a femia Australopithecus? Lucy é...... 
Explica ben por escrito. Redacta e revisa.

PROPOSTA 3:
Cantos servizos ten que poñer Clara na mesa?
Cantos son na familia? Que sabes de Clara e da súa familia. Escribe un texto: Clara e a súa familia.


Xa vedes que as propostas de hoxe para comprender ben a lectura consisten en:

• Práctica de dicionario RAG.
• Procura de información e imaxe.
• Escribir, organizando e ordenando a información.
• Revisar o escrito.

Obxectivo: aprender a procesar a información e a comunicar o aprendido de xeito eficaz.

PRECISAMOS UN RAP

Antes de meternos no capítulo 3 de
Unha misión para Clara
necesito da vosa axuda...

No capítulo, Clara entra na cociña cantando un rap que aprendeu na escola.
A nai de Clara coñece a letra da canción pero o ritmo de rap despístaa porque ela coñece outra música para a mesma letra...

Como eu tampouco sei a versión rap, pido a vosa axuda.
PROPOSTA: Estuda a letra seguinte.
Grava en forma de rap.
Envia o audio a ermiclase@gmail.com 


"Sete cuncas de papas de millo
 unha vella comeu
e quebroulle o cordón do xustillo
 de tanto que encheu.
Tiña fame e comeu outras sete 
e mais recuncou
e despois fixo igual que un foguete
__chispún!__estoupou."

O PROCESO. MIGALLAS!

Se pan de millo vas merendar,

mira o traballo que hai detrás!

Portada do libro CD Pan de Millo, de Migallas. Kalandraka

Facer o Pan é un proceso. 
Os procesos levan tempo e dedicación. 
Dentro dun proceso hai fases e moitas accións. 
Moito traballiño! 

PROPOSTA 1:
Pon atención á canción e á letra. Toma nota dos verbos (accións) que se necesitan para facer o Pan de Millo.
Anota pola mesma orde en que aparecen. Podes parar o vídeo para asegurarte e copiar sen faltas.
Fai unha lista , cada acción nunha liña:

LUCY IN THE SKY...

Antes de escoitar o capítulo 3 do Libro Unha misión para Clara, temos que prepararnos...



Lucy in the sky with diamonds é unha canción
da famosa banda The Beatles.

Segue a Letra da canción mentres escoitas. 
Asocia o que escoitas coa palabra escrita.


Picture yourself in a boat on a river

with tangerine trees and marmalade skies 

somebody calls you,you answer quite slowly,

a girl with kaleidoscope eyes

cellophane flowers of yellow and green,

towering over your head

look for the girl with the sun in her eyes

and she's gone

Lucy in the sky with diamonds

follow her down to a bridge by a fountain

where rocking horse people eat marshmallow pies,

everyone smiles as you drift past the flowers

that grow so incredibly high

newspaper taxis appear on the shore

waiting to take you away

climb in the back with your head in the clouds

and you're gone

Lucy in the sky with diamonds

picture yourself on a train in a station

with plasticine porters with looking glass ties

suddenly someone is there at the turnstile

the girl with the kaleidoscope eyes

Lucy in the sky with diamonds... 


No idioma inglés é mais doado comprobar que unha cousa son os sons da fala e outra moi distinta é a escrita representacións dos sons.

HORA DA ESCOITA!

Editorial: OQUELEO
Libro: Unha misión para Clara
Autora: Marica Campo

Capítulo 2. O misterio medra


Ecosistemas! Que sabes tí sobre os ecosistemas?Intenta explicalo e poñer un exemplo.

A nai de Clara fai un puré moi san. Que ingredientes leva o puré? Escribe.
Que ingrediente non lle gusta a Clara?

Que misterio! Onde irá o neno? 
Por que deixaría a maleta?
Que haberá na maleta?

Escribe (ordena, redacta e revisa) e manda as túas respostas a 
ermiclase@gmail.com

Proba a facer unha infografía da receita do puré!
(Na lista de ingredientes fai o debuxo de cada ingrediente na esquerda antes de poñerlle o nome.) 

 Cabaciño

Pictograma de Arasaac.

LECTURA FÁCIL. INFOGRAFÍAS

O acceso á información, ao coñecemento e á Cultura é un  dereito de todas as persoas.
A lectura é unha ferramenta universal.
Lendo apréndese moitísimo!

Que é a lectura fácil?

A lectura fácil é un deseño que facilita a comprensión da información.
Linguaxe clara, directa e sinxela (fácil de entender).
Utilízanse apoios visuais.

INFOGRAFÍAS. Información gráfica-moi visual
Documento fácil de entender.
A información está ordenada.
Por exemplo:

PROPOSTA:
Elabora unha pequena infografía. 
Explica unha receita de cociña fácil. 
Lembra que se ten que entender moi ben.
Podes enviar a infografía ao correo 
ermiclase@gmail.com
 

HORA DA ESCOITA EN PRIMARIA

Editorial: OQUELEO
Título do libro: Unha misión para Clara
Autora: Marica Campo

Podedes escoitar o capítulo:
1. Clara e o neno descoñecido,
no Soundcloud de Ermiclase


Preguntas que fai Clara neste capítulo:

_Quen chama?
_Quen es?
_ Que queres?
_Como te chamas?
_De onde vés?
_Non me comprendes?
_Do you speak  English?
_Queres pasar?
_Coméronche a lingua os ratos? 

En Galego e en inglés só poñemos o símbolo de cerrar a pregunta ao final.

Se narramos,cando fala un personaxe poñemos un guión. 

PROPOSTA
Realiza unha ilustración da escena 
máis representativa do capítulo.

Lembra que as ilustracións deben ser moi fieis ao que di o texto. Mellor que escoites con moita atención varias veces, para facelo ben.

Gustouche o capítulo? Quen será ese neno descoñecido?
Podes deixar a túa opinión nos comentarios

QUE IMOS COCIÑAR?

Escoitando música podemos ata  aprender a cociñar... un Cocido Sinfónico, de Os Tres TENedORES...

Musicar unha receita...Que boa idea,non?

PROPOSTA:

1. Procurar unha receita sinxela dun prato que nos guste.

2. Anotar ben clariño, TÍTULO, ingredientes necesarios e a súa elaboración por pasos ordenados. 

3. Unha vez recollida a receita por escrito, probar a musicala!Si, xogar a poñerlle música. Emulando o Cocido Sinfónico ou creando retrousos e estilos propios. Liberdade e moita creatividade!

Canta aprendizaxe e diversión nesta proposta,non si?

DA IMAXE Á PALABRA ESCRITA CON IRENE SILVA

Catro Habilidades que temos que desenvolver para ter competencia nas Linguas:

1. Escoitar
2. Falar con discurso ordenado
3. Ben Ler- (Comprender. Tamén imaxes estáticas ou en movemento).
4. Escribir

Escribir non é un exercicio doado. A linguaxe escrita é unha representación da linguaxe oral. A escrita está suxeita a normas. Non podemos escribir como falamos!

Na escrita hai que...

•  pararse a pensar
• escoller ben as palabras do que queremos expresar
• ordenar facendo boas frases
• ter en conta a ortografía e as regras para convertir os sons nas grafías(letras) correspondentes.

Como "A letra con Arte entra" imos devagariño, moi amodiño no proceso da escrita.

PROPOSTA DA IMAXE Á PALABRA coa grande Artista IRENE SILVA.

Imos poñerlle palabras , texto, a partir das súas imaxes gravadas...
O primeiro paso será...coñecer algo da obra desta artista, viaxar polos seus lenzos...
Preme no enlace á súa páxina oficial...e logo no "Ler máis" para seguir a proposta.

Foto de Irene Silva Xiráldez

Enlace á páxina oficial de Irene Silva

MÚSICAS GALEGAS. QUEN FOI MARÍA DOVAL?

Non hai moito publicouse o libro Ferreñas & Rock and Roll. Retratos de músicas galegas da man de Laura Romero. Texto de Iria Pedreira. Baía Edicións. (Novembro 2019).

Este libro xurde  a partir do Proxecto Músicas Galegas Ilustradas creado no 2017 coa pretensión de visualizar o papel das mulleres no panorama musical galego actual.

Logo de Músicas Galegas Ilustradas por Laura Romero.

Retrato de Josefa de Bastabales.

 Enlace á páxina oficial de Músicas Galegas Ilustradas

O libro comeza con...MARÍA DOVAL!Tanxendo polo mundo.

A IMPORTANCIA DE LERLLES!

Se queremos que escoiten, escoitamos!

Se queremos que lean, lemos!

Somos o exemplo!

Á "Hora de Lectura" desde Infantil ata mínimo 2º curso da Primaria debería ser "Hora da Escoita". Tempo diario. Da escoita de lecturas que lles leamos! Lecturas ben escollidas e preparadas. Interesantes para o público ao que nos diriximos. Non teñen que ser largas, nin necesariamente libros de contos. Pode ser unha noticia, un poema, un texto informativo, unhas instrucións, unha receita de cociña, unha biografía,...Algo interesante, que os enganche...

Somos o exemplo! 

PRELECTORES e PRIMEIROS LECTORES, necesitan de bos exemplos para ir mellorando a súa competencia. Ler como comprender, máis aló de descifrar o código escrito.

INFANTIL. OS RECUNCHOS EN FAMILIA

Para o alumnado de Infantil e as súas Familias estes días na casa...

Ademáis da Escoita sen pantalla (Radio Picariña), e da Escoita con pantalla (SonárboreTV)... Podemos trasladar algunha rutina do cole á casa.

Oído e vista son dous canles principais da entrada á información. Importantes para recibir información. Mais, non chega só con percibir información...Algo haberá que facer para integrala,comprendela e darlle significado!? A comprensión precede ao proceso e á expresión. Así que temos que comezar por asegurar a comprensión e por establecer diálogos.

A IMPORTANCIA DO XOGO SIMBÓLICO. INTERACCIÓNS PARA APRENDER.

Como axudamos dende a casa?

1. Procuramos un tempo exclusivo. Non ten que ser moito tempo pero sí convén que sexa exclusivo no intercambio comunicativo.

2. Procurar un xogo, xoguete ou actividade para o xogo simbólico. Tamén pode ser cociña creativa ou outra actividade onde haxa que interactuar.

3. Coidar os intercambios comunicativos enriquecéndoos con linguaxe, explicacións e entonacións axustadas. Respectando as quendas de palabra e acción. (Facer como se...).

4. Ser conscientes de que sodes modelo a seguir. 

Todo o que se faga de intercambios comunicativos de calidade redundará en moita aprendizaxe e nun bo desenvolvemento das Linguas.

CON PANTALLA...ESCOITA E MIRA!

Unha vez traballado o Oído e a Escoita Activa...pasamos a engadir outro dos canles importantes de percepción da información: a vista. Tamén temos dous ollos...

Escoita e mira! Para comprender, para aprender...

Recomendo unha vez máis o canal de Youtube Sonárbore,da Editorial Galaxia.

Por exemplo... A horta de Balbina , dunha familia por nós moi coñecida.... 

 Videos de cancións en galego para escoitar e ver. Mais se teñen o engadido do texto, da escrita. Así imos integrando o idioma na parte oral e tamén na parte escrita.

Vendo o texto ben escrito é unha forma de integrar palabra,ortografía, ademais de comprender mellor o tema ou historia mensaxe da canción.

Hai moitos videos que ver, que escoitar e cos que podemos aprender moito.
Uxía, Paco Nogueira, moitos dos nosos favoritos...

A IMPORTANCIA DE ESCOITAR E ESCOITAR(SE)

Recalco sempre a importancia do Oído para as aprendizaxes, para as Linguas, para ler e para escribir.

O Oído é unha vía moi directa para percibir información.

O Oído é o primeiro sentido que desenvolvemos, incluso antes de nacer...

E temos dous oídos!  Daquela será importante escoitar, non si?

Enlace ao audio DA IMPORTANCIA DE ESCOITARSE

ESCOITA.... Radio PICARIÑA!

A Escoita é moi importante para as aprendizaxes!
Escoita sen pantalla...ESCOITA ACTIVA!

RADIO PARA XENTE MIÚDA....RADIO PICARIÑA!
Mil cancións en Lingua Galega adaptadas para nenas e nenos...
Podemos facer escolla de como as queremos escoitar!
Títulos, cancións e intérpretes...Moitas aprendizaxes!

"A letra...con música entra!"

Enlace a RADIO PICARIÑA

TRABALLAR SEN LIBRO DE TEXTO. NOVAS PEDAGOXÍAS.

Traballar sen libro de texto non quere dicir traballar con fichas!

Trátase de novas pedagoxías e outra forma de traballar necesaria neste século  XXI. 

Marco lexislativo que temos que cumprir e polo que programamos a nosa actividade:

• Orde 20 de xuño 2019. Calendario escolar. Conmemoracións, Semanas adicadas, Efemérides.
• Decreto105/2014, 4 de set. CURRÍCULO E. PRIMARIA CC.AA GALICIA.   Competencias clave:

1. Comunicación Lingüística
2. Competencia matemática e tecnoloxía
3. Competencia dixital
4. Aprender a aprender
5. Competencias sociais e cívicas
6. Sentido de Iniciativa e espírito emprendedor
7. Conciencia e expresións culturais